Ve ricordeo sta vecia canson: la pioggia non bagna il nostro amore ecc. ecc.
be xe vero quando ca te ghe voia de pedalare la piova no la bagna mia.
Ieri h8.10 el cimento in corte l'è umido ma no piove me incocono co na brancà
de muesli (el me piase anca sel someia mangime) e via a manetta.
Tiro fora la singana dal garage e parto, gnente guado del Timuncio i disastri
de novembre i xe 'ncora là, quindi taraii e via verso Isola, taco 'ndar su verso
Toresele che taca sgiosinare ma ieri no me fermava nisun a oparte la salita
che la me xe sempre nemica.
In sima piovaria abastansa ma no go mia fato fadiga par tornare indrio xa
quindi zo par el cimitero de Tor. e vanti oltra e maneggio che se vede da la strada sfaltà
E TACA PIOVARE SUL SERIO.
Rivo sula strada sfaltà dove ghe ze un capiteo e stavolta no go mia asà le
protesion al suto in machina (come che ben sa i me stinchi) me le meto su e me trao zo da la stradea bianca a balin, e qua comonsio a zugarme un paro de giolli, pi baso el sentiero l'è bastansa riparà dal bosco e ancora bastansa suto e lo go proprio fato
a ciodo.
La prima parte de divertimento la xe finia go da tornar su a la Madonna delle Grazie
e la xe na rampegada da infarto e un colpo go anca da averla vista la Madona e anca
qualche altro santo.
Finalmente in sima e... PIOVE par no dire SLAVAIA un cafè a la trattoria che ze li' e
zo par la via longa, par chi che no la conose disaria 3/4 froccia bea slisigosa col moio
e come dito xe drio slavaiare a sto punto probabilmente no me rivava mia tanto
sangue in testa parchè, no go mia testimoni, ma ve giuro che go da averla
fata quasi forte come col suto e son sicuro de aver esaurio tutti i giolli
fin giugno-luglio, la protesion de: angelo custode, Madonna de Monte Berico e
anca el Santo de Padova però so rivà in fondo che chi che mega visto
i ga da aver pensà " sto qua l'è mia a posto del tutto".
Ecco insomma ieri me so lavà, inpaltanà go visto la stria un par de volte
ma go godù come un masci e penso che solo in mtb te poi divertirte cosi'.
CIAO da selvadego-erminio.